U vranë dy-tre mësus, i vranë. Shkolla e parë që u bo, u hap shpija e parë. Mu m’kujtohet që shkum me Aganin aty. Ishte dikund në Dukagjin, s’më kujtohet cilin fshat që e lirun shpijen dhe meniherë e vranë ata. Pronarin edhe dy-tre veta, mësuesit…Sigurisht janë emrat dikund. Por e di që vrasjet e para kanë qenë, meniherë. Se u mundun me ia ndalë hovin. Arsimimin paralele s’kishin mundësi me ndalë…Ka pasë ni iniciativë që edhe nëpër fakultete niherë bon biseda t’mundohemi të kthehemi. Mu m’kujtohet që ne në Mitrovicë shkum. Ajo udhëheqja e hershme që quhej bashkë me Emin Dushin m’duket a s’di dikush kush ka qenë, po pa sukses. Ne e dinimin që veç formalitet ajo. Po mos me thanë që s’kemi bo bisedime.

Milajete Shala Mehmeti lindi në vitin 1952 në Mitrovicë. Ajo diplomoi në Fakultetin e Teknologjisë në Universitetin e Prishtinës, zhvilloi hulumtime në Universitetin e Zagrebit dhe në Akademinë Ushtarake të Zagrebit, Kroaci, dhe mbrojti doktoraturën në vitin 1991 në Fakultetin në Mitrovicë. Kreu një specializim në fushën e korrozionit në Akademinë e Freibergut në Gjermani dhe një program tjetër specializimi në Universitetin John Hopkins në Shtetet e Bashkuara të Amerikës. Ajo ka qenë për një kohë të gjatë anëtare e stafit akademik në Fakultetin e Teknologjisë në Mitrovicë, ku ka ligjëruar lëndën e Elektrokimisë deri në pensionim. Milajete Shala Mehmeti ka qenë aktive në sistemin paralel të arsimit, në fushatën për pajtimin e gjaqeve dhe në Forumin e Gruas të LDK-së.