Kom pasë fat se me burrin e Merkel kisha pasë qenë në specializim në Universitetin e Moskës. […] Disa profesora që na jepshin aty mësim, anglisht, amerikan profesora që m’kanë dhanë mu në Zagreb. E unë u dallova aty shumë. Beso kur kam shku te Merkel kur u bona ministër i shkollave shqipe dominojke vula e Serbisë. Unë e mora vulën e Republikës së Kosovës i thashë… meniherë si e ka pa kërkesën Muhamet Bicaj ka thanë burri i saj pyte, ‘A je kanë në fakultet në Moskë?’ T’u vrapu erdh ai sekretarja e qeverisë aty e Merkel. Thotë, ‘Në ora kaq të pret Merkel’. Ilazi po thotë, ‘Qaq shpejtë a? As dy orë s’janë bo’. Thashë, ‘Po e ka pa profesor’. S’po më shkon menja që burri saj ka thanë. S’i jom shku Merkeli pytja e parë, ‘A je kanë në universitetin e Moskës?’ Thashë, ‘Po’. ‘Me burrin tem ke qenë’. Jom ardhë thashë, ‘Ju e dini që shqiptarë ka shumë këtu, i kemi hapë kurset e shkollave shqipe në Gjermani. Vula po e shoh që po dominon vula e Republikës së Serbisë na e kemi vulën e Republikës së Kosovës. Na jemi republikë tash’. ‘Kein Problem’. Kur mas nja dy dite ata gjysa e mësuesve studenta t’mi, ‘O’ ministër, o’ profë qy çka na ka ardhë Republic of Kosovo vula’.

Muhamet Bicaj lindi në Vrellë të Istogut në vitin 1943. Ai ka doktoratë në Kimi Organike nga Universiteti i Zagrebit. Bicaj ishte një nga themeluesit e Fakultetit të Mjekësisë, Farmacisë dhe Stomatologjisë në Prishtinë dhe shërbeu si prorektor i Universitetit të Prishtinës gjatë viteve ‘80. Në vitet ‘90 u emërua Ministër i Arsimit në Qeverinë e Kosovës në mërgim. Në këtë rol, ai organizoi shkollat në gjuhën shqipe në diasporë, përfshirë në Mbretërinë e Bashkuar, SHBA dhe Skandinavi, si dhe menaxhoi financimin e shkollave në Kosovë. Pas luftës në vitin 1999, Bicaj ishte një nga figurat kryesore në grupin përgjegjës për hartimin dhe shpërndarjen e teksteve të reja shkollore.