Nikola Jovanovic

Beograd | Date: 11 Korrik, 2017 | Duration: 136 minuta

Panda ka qenë kafiqi jonë i preferum, kështu ishte që nga viti i parë, ai ishte kafiqi para gjimnazit. Të gjithë shkonim aty, ai ishte vendi, place to be [vendi ku duhesh me qenë]. Kështu, për vitin e ri shkon në ndonji ndejë, ma s’pari shkon në Panda për kafe, mandej atje. […]

Dikush thirri në shtëpi dhe ky i pyet këta të mijtë nëse jam aty. Nëna u tregon që po mësoj. ‘Të lutem verifikoje nëse është në dhomë’. I tregon që, ‘Po’. ‘Ka pasë masakër në Panda, nuk e dijmë çfarë ka ndodhë, vetëm e dijmë që ka pasë gjuajtje me armë dhe që shumë janë të plagosur’. […]

Natyrisht i kujtoj shpesh kur shikoj fotografi dhe të gjitha, çdo 14 dhjetor, edhe pse nuk shkoj në kishë qëmoti, por atëherë shkoj, e dhezi një qiri për ta dhe mendoj në ta. […]

Por tash vite më vonë kur dëgjon diçka të këtij lloji që ekziston mundësia që Sigurimi Shtetëror e ka bërë, tash këtë e shikoj kështu, kur e mendoj ende nuk mund ta besoj, ende nuk mund ta besoj që njerëzit më të këqinj të cilët ekzistojnë në mesin, të cilat shteti i Serbisë i ka organizuar që ‘poshtë’ në Kosovë të bëjnë gjithçka, unë ende nuk besoj që ata kanë thyer shtëpi për të vrarë fëmijë.


Marijana Toma (Intervistuesja) Milan Petković (Kamera)

Nikola Jovanovic u lind më 7 shator, 1980 në Pejë. Ai studioi Resurset Njerëzore në Univerzitetin e Beogradit. Si student ishte anëtar i Association Internationale des Étudiants en Sciences Économiques et Commerciales [Asociacioni Internacional i Studentëve të Shkencave Ekonomike dhe Komerciale]. Për një kohë ka jetuar në Stamboll, ku punoi për Mikrosoftin, Zyrën në Lindjen e Mesme dhe Afrikën, në departamentin e Përgjegjësisë Koroporative-Shoqërore. Sot, ai është i martuar dhe jeton në Beograd.